قـوم ذاكــر لو سمحـت !!

عنوان الموضوع غريب صح !!

لأ بتكلم جد والله .. قوم ذاكر لو سمحت

إزاى تقولنا كده وانت مدير المنتدى .. إنت بتطردنا ؟

مش بطردكم والله .. بس منتدي مازيكاوى فور عرب هنا بالنسبـة ليـا مش زي أي منتدي .. منتدي مازيكاوى فور عرب عندي حياة مختلفة وجو تاني .. منتدي له هدف لو مكنش لسه الهدف واضح حتي عند الكل لكـن هقوله ،، هنا المنتدى هدفه ايه ؟

من أجل شباب عربى أفضل ( يضحك اكـتـر , يحلـم اكـتـر , يفهـم اكـتـر واكـتـر ..... )

طيب والشباب العربى الأفضل دول .. مش الأفضل ليهم فى الوقت ده إنهم يذاكروا !!

طيب والمنتدى .. حبيب قلبنا .. مندخلهوش ؟؟

علشان خاطر المنتدى متدخلوهوش .. لو دخلتوه يبقى فييييييين وفيييييييين لحد ما تخلص الإمتحانات

لو متحققتش جملة "شباب عربى أفضل" يبقى المنتدى ملوش لازمه ،، ويبقى منتدى عادى زى كل المنتديات اللي في الدنيــا

لكن علشان نثبت انه منتدى من اجل شباب عربى أفضل .. لازم نكون شباب أفضل

والأفضليه دلوقتى إننا نذاكر علشان نكون شباب ناجح يخدم دينه وبلاده ويخدم كمان نفســه , متهيألي هيكفيني فخرا لما يطلع من هنـا واحد عالم وفي يـوم نقـول والله دا كان معانا في نفس البيت بتاعنا مازيكاوى فو عرب , كنا بنتكلم مع بعض كتير ونقعد نهزر ....

يبقى نقوم نذاكر ،، وفين وفين كده لما نزهق نشقر ع المنتدى ونرجع تانى للمذاكره

يعنى ممنوع دخول المنتدى أكتر من مره فى الأسبوع ،، أو نقول مرتين

لحد ما تخلص الإمتحانــــــــــــــات

اه عـارف ان المنتـدي ترتيبه وشهرتـه هتقـل الفتـرة دي بالشكـل دا , لكــن تـــوز
توز في المنتـدي لو ملوش لزمــه
توز في الشهـرة لو هتيجي علي حساب حياتنــا

بجد اسعـد حاجه تحسها لما تشوف نفسـك ناجح ووالدك في يوم يقلك انا فخور بيـك

خلي دي امـل عندك وعندنا كلنــا , الكلمة دي فعـلا لو الواحد سعى ليها , هيحقق كتيـــــر اوي .....

الفتـرة اللي فاتت فكرت أقفل المنتدى عن المشاركات فى فترة الإمتحانات علشان الناس تذاكر ،، وميكونش المنتدى سبب فى تقصير أى حد فى نجاحه ،، لأن هدفنا عكس كده
لكن إكتشفت إن فيه ناس كتير جداً فى المنتدى خريجين ،، ولو قفلت المنتدى عن المشاركات هظلمهم

علشان كده ومن غير ما نقفله .. زى الشطار هنقوم نذاكر ،، وبعد الإمتحانات نشوف المنتدى تانى ،، ونهيص فيـه ونستفيد منه ونفيد فيه غيرنا .. بس بعد الإمتحانات

ياللا نسمع الكلام ،، ونشوفكم على خير يا رب بعد الإمتحانات .. ويا رب بالتوفيق لينا جميعاً

أدعولـــــــــــــــى انا كمـان يا جمـاعه .. علشان أنا السنة بعتبرها أول خطـوة في
حلمـي

يارت الناس تعمل زى عمر مابيقول وياريت الناس كلها تذاكر وتخلص عشان القعده ملهاش لزمه انت عشان تخلص منها لازم تذاكر ويارب الكل يسمع الكلام وباذن الله كلنا هنعمل كده وياريت بقى متنسوناش بالحلو فى الاخر ههههههههه ويارب كله يجيب مجموع كبير مش اققل من 100%100 هههههههههههههههه ده طبعا حلم كل مجتهد ولو ينفع اكتر من 100%100 كمان انا عن نفسى مش بحلم بكده لانه ده مستحيل يا رب الى يقدر ولسه الفرصه فى ايده ميفوتهاش يا جماعه على فكره الموضوع مش صعب كل الى هيحتاجه منك بس انك تقسم وقتك

عنـــدك حـــق يا ميرو

والحمـــد لله انا مبدخـلشى المنتــدى

غير مرة او مرتيــن فى الاسبـــوع

إن شـاء الله ربنــا يوفقـك يا قمــر

ويوفقنــا كلنـــا , بس ياريـت فعـلا كلنــا نعمل بالكلام دا , مستقبلنــا اهم بكتيــر من اي حاجه في الدنيـــا